નાસ્તામાં બનાવો બટાકા પૌઆની કટલેટ, આંગળા ચાટી જશે બધા

ગુજરાતીઓના પ્રિય નાસ્તામાંથી એક છે બટાકા પૌઆ. આપણે બધાએ બટાકા પૌઆ તો અનેક વખત ખાધા હશે.

ગુજરાતીઓના પ્રિય નાસ્તામાંથી એક છે બટાકા પૌઆ. આપણે બધાએ બટાકા પૌઆ તો અનેક વખત ખાધા હશે. તેમજ બટાકા પૌઆની અવનવી વેરાઇટી પણ ખાધી જ હશે. પણ બટાકા પૌઆની કટલેટ ભાગ્યે જ ટ્રાય કરી હશે. આજે અમે તમારા માટે બટાકા પૌઆની કટલેટની રેસિપિ લઈને આવ્યાં છીએ. તો ચાલો જાણીએ સ્વાદિષ્ટ અને ચટાકેદાર બટાકા પૌઆની કટલેટ કેવી રીતે બનાવી શકાય અને તેમાં કઈ-કઈ સામગ્રીની જરૂર પડશે.

·         બટાકા પૌઆ કટલેટ

સામગ્રી

- અડધો કિલો બટાકા
- 1/4 કિલો પૌંઆ
- ચમચી આદું-મરચાની પેસ્ટ
- અડધી ચમચી હળદર
- અડધી ચમચી મરચું
- મીઠું સ્વાદ અનુસાર
- એક લીંબુ
- એક ચમચી સાકર
- તળવા માટે તેલ

રીત

સૌથી પહેલા બટાકા બાફી લો, ત્યાર બાદ બાફેલા બટાકાનો માવો કરી, એમાં પૌઆ, આદું-મરચાંની પેસ્ટ, હળદર, મરચું, મીઠું, લીંબુ અને સાકર ભેગાં કરી માવો બનાવો. કટલેટનો શેપ આપવા માટે સ્ટીલનું બીબું લો, પછી તૈયાર કરેલા માવામાંથી સ્ટીલના બીબામાં માવો ભરો. એક કડાઈમાં કટલેટ તળવા માટે જરૂરી તેલ લો અને ગરમ કરો. ત્યાર બાદ તૈયાર કરેલી કટલેટ એમાં તળવા મૂકો. લાઇટ બ્રાઉન કલર થાય ત્યારે કડાઈમાંથી કાઢી લો. ગરમાગરમ કટલેટ ડિશમાં ટોમેટો સોસ અને બ્રેડ સાથે સર્વ કરો.